Kwaai babatjie

Ek’s sommer ‘n kwaai babatjie vandag.  Ek wil vreeslik graag na Steve se nuwe waarmaker toer gaan kyk en ek was baie bly toe ek sien hy gaan by die Performer in Menlyn optree want dit is lekker rolstoel vriendelik daar.  Toe ek hoor wat die kaartjies kos kry ek amper ‘n oorval.  R175…. Dis verskriklik.  Daar’s nie ‘n manier dat ek dit kan bekostig nie.  Vir al die ander kunstenaars wat daar optree is die kaartjies so R100 maar omdat dit Steve Hofmeyr is kos die kaartjies ‘n fortuin.  Wat my die kwaadste maak is dat daar mense is wat die kaartjies koop, so die organiseerders van die shows weet hulle kan vra net wat hulle wil, die kaartjies.  Dis die 1ste keer in die 18 jaar wat ek al na shows toe gaan dat ek nog nie 1 keer hierdie jaar by ‘n Steve show was nie.  Ek kan dit net nie meer bekostig nie en dis vir my nogal ‘n teer puntjie want dis omtrent dis omtrent al social life wat ek gehad het aangesien ek dit ook nie meer kan bekostig om te gaan fliek nie.  Die shows wat in Pretoria was waar die kaartjies bekostigbaar is het ek of nie vervoer nie of dis buitelug.  Ek haat ‘n buitelug show met ‘n passie want gewoonlik staan die mense in dan kan Kiepie nie ‘n woord sien nie.

Ag nou ja, dis seker ook nou nie die einde van die eeu nie.

 

Ek het vir my baie-praat vriendin in die hospitaal gaan kuier.  Die arme ding het ‘n abses op haar boud.  Ek het gedink sy gaan nou baie sukkel omdat sy heeldag in die rolstoel op haar boude sit, maar sy laat haar deur niks of niemand onder kry nie.  Sy gee eintlik nuwe betekenis aan die uitdrukking klein botteltjie groot gif want sy is net ‘n meter lank, maar sy’t meer moed en deursettingsvermoë as die meeste mense wat ek ken.

 

 My ma verjaar Sondag en as ek nie so voor op die wa was nie so ek ook nou een of ander tyd verjaar het.  My ma,  my ouma en my tannie het ‘n weddenskap gehad op wie se verjaardag ek gaan kom, maar toe besluit ek ek soek my eie dag want elke 2de mens verjaar omtrent in Augustus.  Die family kom Sondag bring en braai waaroor ek nou nie juis vreeslik opgewonde is nie want my arme ma werk haar gewoonlik oor ‘n mik en dis nou eintlik haar special dag.  As ek geld gehad het, het ek haar sommer by ‘n spa of ‘n ding ingeboek dan kon die family maar op hulle eie bring en braai.

 

My Kuifkop het vir my ‘n lekker appel konfetti op my lessenaar gelos, so ek beter nou ophou klets en gaan skoonmaak.  Lekker naweek.  Hoop maar die bokkies kry iets uitgerig ….

 

 

 

Ouma verjaar

My Ouma het gister 81 geword. Ons het gekoek en tee vir ‘n vale.  Daar was so baie eetgoed, ek het gedink hulle gaan vir die volgende maand daaraan eet, maar ek het duidelik nie rekening gehou met die oues van dae se eetlus nie.  Op die ou end het daar nie veel oorgebly nie, maar ek moet sê die eetgoed was uit die boonste gestoeltes soos Oubaas sou sê.

 

Ouma-hulle bly in ‘n aftree oord sekeriteits kompleks waar almal omtrent mekaar ken.  Dit is nogal ‘n belewenis so klomp oumense bymekaar.  Mens sal nou dink dit sal ‘n stil en stemmige storie wees, maar dit was als behalwe.  Hulle het geklets dat die biesies bewe.  Daar is dit nie ‘n geval van hoe gaan dit vandag nie.  Dis eerder, hoeveel pyne het jy vandag…. En dis ‘n gespottery met mekaar se pyne en skete en dinge.

 

Ek het Vrydag gedink ek doen goed en probeer vir Kuifie bad.  Nogal met baba shampoo en elke ding.  Dit was toe so bietjie van ‘n disaster want toe’s die arme voël vuiler toe ek klaar is as wat hy was voor die bad.

Sondag het ek erg stres gekap want toe lyk arme voëlie skoon siek.  Ek was dood benoud hy’t van die shampoo ingekry of iets want hy was glad nie homself nie.  Dit was seker maar net sy af oggend want die middag was hy weer piekfyn.

 

My vriedin se pa is uiteindelik Vrydag geopereer.  Hy het nie narkose gekry nie, net epidurale (spelling) verdowing.  Ek’s nie snaaks nie, maar ek weet darem nou nie of ek daarvan sal hou om te hoor hoe saag en kap hulle aan my been nie.

Die arme oom was heel gerattle toe hy uit die teater kom want langs hom was hulle besig om iemand se bene af te sit en hy sien toe die twee bene wat op die trollie lê.  Die man wie se bene dit was het glo erg tekere gegaan en geskree so ek neem aan hy’t ook net verdowing gehad.  Ek hoop nie so iets tref my ooit nie want ek glo nie ek sal dit oorleef om die storie oor te vertel nie.

 

Genoeg vir eers.  Lekker daggie

 

Crocks verslaafde

Ek is so bly dis bietjie warmer vandag.  Toe kon ek darem my Crocks dra.  Al dink ek diss die lelikste skoene op aarde, is ek heeltemal verslaaf daaraan  My kruppelpootjies raak erg ongelukkig as hulle iets anders moet aantrek.  Ek het verlede winter crocks met kouse probeer, maar ek is doodseker my bloedsomloop maak ‘n u-turn net voor dit by my voete uitkom want in die winter het ek net 2 ysblokkies wat daar onder rondhang waar my voete veronderstel is om te wees.

 

Glo dit of nie, maar my vriendin se pa is nogsteeds nie geopereer nie.  Ek sal regtig nooit weer kla oor my mediese fonds nie.  Die staatshospitale voel ‘n veer vir jou.

Om te dink ek het al my operasies in die ou H.F. Verwoerd hospitaal gehad en toe was dit die BESTE hospitale in die land. 

 

So blok van ons huis af het nuwe mense ingetrek.  Hulle het ‘n Basset hond.  Dis die hoogtepunt van die dag  om vir hom te gaan hallo sê.  Ek ry elke dag verby hom as ek Virginia by die skool gaan haal en sy het nou besluit die hond se naam moet Bingo wees

Ek was eers bietjie skrikkerig om hom te vryf, maar ons het noual lekker tjommies gemaak.  Ek het my omtrent uit my bloedgroep geskrik toe hy blaf.  In vergelyking met sy groote het hy ‘n reuse stem.

 

Ek het my baie-praat vriendin belowe ek kom vandag kuier, so ek beter nou eers groet.

 

Gister was sommer ‘n pikswart Maandag vir my arme sussie.  Sy het per ongeluk haar worshondjie doodgery.  Wat dit nog erger maak is dat die hondjie nou maar eers omtrent 2 maande terug is in Suid-Afrika.  Die honde het vir langer as ‘n jaar by die bure gebly in Nederland wat my sussie hulle glad nie eers gesien het nie.  Haar ander worsie is verlede jaar Oktober daar in Nederland dood.  Hulle het nog ander honde, maar die 2 worsies was ekstra spesiaal.  Nou’s haar man ook nie eers hier om te help troos nie.  Hy is in Londen tot die 5de September.

 

My ma het so 2 weke terug ‘n nuwe baas gekry en hy dink seker sy’s nie heeltemal vars nie want toe ek haar by die werk bel om te vertel van die hondjie, begin sy sommer huil.  Daar is al so baie trane gestort oor ou Droopsy, ons kan omtrent die hele Suid-Afrika voorsien van water tussen die 3 van ons.  Hoe meer ons probeer troos, hoe meer huil ons.

 

Ons het Sondag so vir Aby (3) gelag.  Die kind is gans en al te slim vir wat goed is vir haar.  Sy het 2 goudvissies gekry en die een oorleef toe nou nie.  Om ‘n tranedal te verhoed, sê my sussie vir haar Nemo is siek en hy het dokter toe gegaan.  Ek gaan koop toe ‘n nuwe Nemo.  Toe ons vir haar die nuwe Nemo gee is madam baie verontwaardig want dis nie haar Nemo nie want haar Nemo was baie groter.  Na ‘n verduideliking dat Nemo klein geword het van die dokter se medisyne is sy toe tevrede.  Ek het regtig nie gedink sy sal agterkom dis ‘n ander vis nie, maar duidelik was ek verkeerd.

 

Ek dink die weer het vandag in Kuifie ingevaar.  Hy is so kwaai, hy wil als wat voorkom byt.  Ek dink die voëlie het houtkapper gene of iets.  Hy het die naweek aan ons kombuistafel begin kou.  Ek het nie gedink hy sal die tafel kan stukkend kou nie, maar toe ek weer sien sit hy met ‘n stuk hout in sy bek.  Ons gee toe vir hom ‘n stuk hout uit die tuin uit waaraan hy na hartelus kan kou, maar hy wil niks daarvan weet nie.  Die kombuistafel is net die ding vir hom en hy weet baie goed hy gaan raas kry want as hy vir die tafel mik kyk hy eers rond om te sien of ons naby is.  Nes ‘n stout kind wat jou uittart.

 

 

 

 

Ek het ‘n gelukkie getref.  ‘n Vriendin van my het ‘n 22” skerm vir ‘n reuse winskoop (onder R2000) gekry.  Ek sê toe sy moet uitvind as hulle weer so spcial het wil ek ook ‘n skerm koop.  Soos die duiwel dit wil hê bel sy my verlede week om te sê ek kan ‘n skerm kry, maar ek het nie op die oomblik die geld nie. My rolstoel moet dringend nuwe batterye kry , wat vir my op die oomblik meer noodsaaklik is as ‘n skerm.

 

My vriendin bied toe aan om vir my die skerm te koop dan kan ek haar maandeliks afbetaal.  Ek was so bly, ek het skoon skuldig gevoel dat ek haar gevra het om vir my uit te vind, maar ek het nie gedink hulle sal so gou weer so uitverkoping hê nie.

Dit is ongelooflik hoe groot verskil 5” kan maak.  My vorige skerm was ‘n 17” en dit voel nou die heeltyd vir my ek kyk bigscreen tv.

 

My sussie-hulle sukkel nou al ‘n hele ruk met hulle telkom lyn.  Tot my groot frustrasie werk die foon net wanneer dit hom pas.   Ek het nou die dag vir haar gesê sy moet maar terug gaan Nederland toe, want toe’t ek meer met haar gepraat as nou dat sy hier bly.  J Volgens Telkom lê die telefoon kabel.  As hulle vir Telkom self moet wag om dit reg te maak kan dit vir tot 6 maande so bly.  Andersins moet my sussie-hulle self die kabel lê en dan sal Telkom dit net kom koppel.  Ek is seker dis net in S.A. waar so iets gebeur.  Telkom het darem die kabel voorsien, maar hulle het nie mense om dit te kom lê nie.  Nou’s die kabel gelê, maar hoe lank dit gaan vat om te koppel, bly ‘n raaisel.

 

Ek beter nou ophou klets want ek het al ‘n paar ure in hierdie dag verloor. 

 

 

Kriekkie kap om

Ek het Donderdag gedink dis verby met my.  Ek het gesit en tik toe ek ewe skielik baie snaaks begin voel.   Volgens Maggie het dit geklink of ek iets laat val en ek het na my asem gesnak.  Sy het toe gedink dit is Kuifie wat val, maar hy het nog op my skouer gesit.  Toe ek weer weet wat om my aangaan toe is my voete heel van my stoel se trappe af en ek het vreeslik sleg gevoel en gesweet asof ek onder ‘n stort staan  en  ek was baie moeg en my kop was vreeslik seer en ek het gesukkel om asem te kry.  Ek is dadelik na die huisdokter toe.  Natuurlik toe ek by die dokter aankom toe voel ek weer piekfyn.  Die dokter vermoed ek het ‘n ligte beroerte of ‘n ligte hartaanval gehad want die simtome wat ek gehad het is alles tekens daarvan.  My bloeddruk was ook baie hoog en ek het nog nooit bloeddruk probleme gehad nie.  Die huisdokter stuur my ongevalle toe omdat my bloeddruk so hoog is.

 

Ek gaan toe sommer na die hospitaal naaste aan ons huis.  Eers is dit ‘n tjoklitsmurfie wat my bloeddruk neem en al my besonderhede, maar sy kry nie my pols nie en sy neem sommer my bloeddruk bo-oor al my klere.  Toe ons vir haar vertel ek is serebraal gestremd het die arme ding nie ‘n clue wat dit is nie.  Daar kom toe ‘n blanke dokter en ek is toe nou bietjie meer gerus…. Glo dit of nie, maar volgens hom is ek besig om gastro te kry en die rede waarom ek so vreeslik warm gekry en sleg gevoel het is omdat ek koors het of ek kan miskien vervroegde menoupose (spelling) beleef want hy sien my hare begin al grys word.  Ek het om 14 al grys hare gehad nou wil die simpel mens my kom vertel ek het menoupose.  Volgens hom het my bloedsuiker baie geval dis hoekom ek vir ‘n rukkie nie by was nie.  Kyk, ek het darem al ‘n paar keer in my lewe gastro gehad, en ek het nog nooit uitgepass daarvan nie, maar nou ja, wat weet ‘n kruppelkriekkie nou.

 

Toe ons by die huis kom het my ma weer die huisdokter gebel om te sê van my ‘gastro’.  Hy sê toe ek moet Vrydag weer na hom toe terug gaan want hy is glad nie tevrede nie.  Ek is toe Vrydag weer terug, en toe’s my bloeddruk nog steeds baie hoog.  Ek moet nou die 12de Augustus ‘n internis gaan sien sodat hulle hart en long toetse kan doen.  Hopelik kry ek nou nie weer een of ander floute voor dan nie.  Ek is vas oortuig my bloeddruk is die probleem want van Donderdag af het ek half permanent so irreteerende hoofpyn en net die een kant van my gesig word vuur warm by tye.

 

Vrydag-middag was my beste vriendin in ‘n ongeluk.  Sy het los sand op ‘n grondpad getref toe rol sy die kar.  St het gelukkig nie baie seer gekry nie, behalwe dat haar bril haar gesig bietjie verwoes het.  Die dokter het so 2 ure gevat om als weer toe te werk.  Die kar is heeltemal afgeskryf.  Sy het met haar baas se kar gery, so gelukkig is dit nie haar eie kar nie.  Sy en die baas is gelukkig goeie vriende, al wat sy gesê het toe sy hoor van die kar, is, dis ‘n teken dat sy nou ‘n nuwe kar moet kry.  Gelukkig is sy ‘n prokureur so hulle behoort nie te veel te sukkel met die verseekring nie en sy het toestemming gegee dat my vriendin met haar kar mag ry.

 

Dis nou genoeg van dokters en dinge vir eers.  Gesels weer môre.