Knie vervanging

Nee dis gelukkig nie ek wat gaan vir die operasie nie, maar my stiefpa. Hy word vanmiddag geopereer. Dis blykbaar ‘n baie seer operasie so ek’s baie bly ek’s nie hy nie. Vandag gaan hy vir die 1 knie en sodra die knie reg is, sal hy vir die ander 1 gaan. Omtrent almal in sy familie het knie probleme. Iewers langs die pad het iemand die resep vir knieë mis gelees of iets.

Die Oompie gaan nie narkose kry nie, net epiduraal. Ek weet darem nie of ek sal wil wakker wees terwyl hulle aan my gebeentes saag en doen nie. Ek weet mens voel niks, maar nog steeds. Maar dit sal dalk beter wees met die Oompie saam want met van sy vorige operasies het hy onder narkose wakker geword.

Vroeër jare het mens narkose gekry vir enige vorm van operasie, maar lyk my deesdae is epiduraal die in ding. My vriendin se pa het so ruk terug ‘n voet operasie gehad met epiduraal en in die teater langs hom was hulle besig om iemand se bene te amputeer , ook met epiduraal en dit het die oom verskriklik ontstel toe hy sien hoe stoot hulle die bene daar uit en die ou wie se bene dit was het blykbaar vreeslik geskree. Ek hoop nie ek beleef ooit so iets nie want ek sal totally uitfreak.

Ek voel so jammer vir die tannie wat skuins oorkant ons bly. Haar man is ‘n diabeet en is so 2 weke terug hospitaal toe om sy groottoon te amputeer want hy het cangereen in die toon gehad. Hy het narkose gekry en toe het iets onder narkose skeef geloop met sy hart. Hy is toe dadelik ICU toe maar is so 3 dae later oorlede. Ek kry sy arme seun net so jammer want hy’s ‘n dokter en was in die teater toe dit gebeur het. Dit moet erg wees om te jou pa so te sien en daar’s niks wat jy kan doen om hom te help nie.

Kyk, dis nou maar eenmaal ‘n feit waarby mens nie kan verby kom nie. As jou strepie getrek is, maak dit nie saak hoe goed die mediese wetenskap is nie. Jou tyd is jou tyd…

Nee wag, dis nou eers gbenoeg van hospitale en dinge. Ek kry hopelik vandag my ferrari terug. Dit voel al soos ‘n ewigheid dat ek noual op elbow power is. My agterstewe protesteer nou al erg want die elbow model sit nie naastenby so lekker soos die ferrari nie. Alhoewel ek besluit het ek gaan nog steeds ten minste ‘n uur elke dag met die ander stoel my arms oefen. My agterstewe kan maar protesteer tot hulle lekker kry.

Ek het vir my ‘n Virtual Pet op facebook aangeneem. Ek sal probeer om op ‘n manier ‘n foto te neem. Dis ‘n bobbejaantjie en sy naam is Stevie. Ten minste het hy nie sulke ergere hormoon probleme soos sy naamgenoot nie, maar ek moet sê hy kan nogal veeleisend wees. Hy het ‘n baie ywerige eetlus en eet my omtrent bankrot. Die lekkerste van als is dat hy nie geluide kan maak nie en as ek nie lus is vir hom nie druk ek ‘n knoppie en hy’s weg. Aangesien ek nog nie aan hom aandag gegee het vandag nie, beter ek seker groet en my moederlike pligte gaan doen.

Sommer net iets moois

Gister was ek so naby aan kinder moord dit was eintlik scary. Vyf-uur kom Virginia van die naskool af met die wonderlike nuus dat sy nie huiswerk gedoen het nie want juffrou het gesê hulle moet die huiswerk by die huis doen. Ek dog toe dis seker ‘n taak of ‘n ding want die ander huiswerk word gewoonlik by die naskool gedoen. Toe ek die storie mooi bekyk en beluister, toe’s dit net die gewone huiswerk soos elke ander dag, maar omdat haar juffrou gesê het die huiswerk moet by die huis gedoen word het sy eers gewag tot sy by die huis kom. Na ‘n baie lang verduideliking het sy uiteindelik verstaan sy moet haar werk by die na-skool doen want sy kom nie huis toe nie. Ek het haar juis in die naskool gesit sodat hulle haar kan help met huiswerk want ek en sy beklei vreeslik as daar moet huiswerk gedoen word want sy dink dis een groot speletjie en vet pret as ek kwaad word. Sy maak my aspris kwaad want dis vir haar tog so mooi as ek so rooi word….
Ek is sommer vies vir die naskool ook want hulle moet mos kyk of die kinders huiswerk het. Natuurlik sal die kinders sê hulle het nie huiswerk nie want hulle wil speel.

Toe operasie huiswerk nou uiteindelik begin het Virginia nie ‘n clue waar die somme is wat sy moet doen nie, maar sy weet sy moet somme doen maar weet nie waar dit is nie….. en my moermetertjie klim al hoër. Toe sy uiteindelik die somme kry kan sy die eenvoudigste somme nie doen nie want sy’s moeg en die ander weet sy nie hoe om te doen nie. Ek weet uit ondervinding as sy eers gaan speel of iets anders doen na skool kry jy met haar net mooi niks reg as sy moet huiswerk doen nie. Dit kos my om ‘n maatjie se ma te bel om uit te vind hoe werk die somme. Toe ek op skool was was somme net somme, daar was nie trein somme en spinnekop somme en al sulke ingewikkelde goed nie. Die trein somme is toe nou eintlik heel eenvoudig maar ek kan verduidelik tot ek pers is Virginia verstaan net mooi niks. Ek is by moedeloos verby en Virginia is min gepla, sy sing en doen als behalwe om te konsentreer. Kyk toe wil ek opstyg van boosaardigheid en sy dink dis baie cool dat hierdie witmense so rooi kan word as hulle kwaad word.

Op die ou end is die somme gedoen, maar wat Virginia daarvan verstaan bly nog steeds ‘n mystery. Ek verduidelik op die eenvoudigste manier moontlik, maar niks werk nie. Ek verstaan die onderwysers kan nie by elke kind uitkom nie, maar hulle merk net eenvoudig die goed verkeerd en verduidelik nie vir die kind hoekom dit verkeerd is nie. Verginia het bv Januarie oral in haar boek verkeerd gespel, maar die Juffrou het dit nog nie eers agtergekom nie, so Virginia hou maar aan met die verkeerde spelling want niemand help haar reg nie.

Voor almal nou op my case klim, ek dink onnies is wonderlike wesens want ek sou lankal in die tronk gewees het vir moord as ek elke dag 20 of meer kiddies moes besig hou, dis net vir my sleg dat hulle nie by al die kiddies kan uitkom om hulle te help as hulle sukkel nie.

Ag nou ja, noudat ek bietjie stoom afgeblaas het en darem nie meer moordadig is nie, moet ek seker groet.

80-jarige kriekkie

Kyk ek weet ek’s erg onfiks, maar ek dink darem nie dis so erg soos die Wii dit maak nie. Volgens die gedoente het ek die uithou vermoë, sterkte en stamina van ‘n 80 jarige….Natuurlik was ek nie vreeslik beïndruk met die uitslag nie, maar nou ja wie’s ek om te stry. Eintlik is ek baie trots op myself want vir iemand wat als in ‘n sittende posisie doen en nog links ook vaar ek glad nie te sleg nie. Ek het die baseball en bowling ook onder die knie gekry so nou’s ek nog meer oortuig ek MOET my eie aanskaf want ek moes ongelukkig die Wii terug gee. Ek het my ma ook laat speel, maar sy’t dit so effens oordoen en toe moet sy die hele naweek met seer spiere loop. Mens onderskat so effens die effek wat die ding op jou het want wat kan ‘n speletjie tog doen…. Vra vir moeder sy’s vas van plan om nooit weer aan die ding te raak nie.

Ons het Saterdag vir Virginia ‘n partytjie by McDonalds gehou. Sy’t eintlik al die 3de Januarie verjaar, maar omdat dit nog skoolvakansie was het ons eers Saterdag die partytjie gehou. Dit was die 1ste keer dat sy ‘n rêrige êrige partytjie gehad het. Die kind was omtrent in die 7de hemel van totale geluk. Daar was net 12 maatjies, maar na ‘n uur het hulle vir my gevoel soos 12 duisend. Daar was veral 2 wat kort-kort in ‘n oorlog met die ander was. Ek het wragties nuwe respek vir onderwysers gekry wat elke dag met omtrent 20 van die goedjies moet hanteer. Ek sal dit beslis nie maak nie, ek was baie naby aan moord Saterdag…..

Ek was lekker vies vir een van die ma’s. Toe sy vir Sussie bring vir die partytjie, vra sy of Boetie ook nou maar kan kom partytjie hoe want sy weet nou nie wat om met hom te doen nie… Ek sê toe maar dis reg want ek kon dit nie oor my hart kry om Boetie weg te stuur nie. ‘n Ander ma, wat nie eers bevestig het nie, het sommer net haar kind daar gelos en vir die kind gesê sy moet saam met een van die ander ma’s huis toe gaan dan sal sy haar daar kry. Niks is vooraf gereël nie, so ek wonder wat sou sy gedoen het as die ander maatjie nou nie opgedaag het nie. Sy’t seker maar gereken ek sal haar saam met my huis toe vat. Ek het nuus vir haar, ek sal haar kiddie maklik aan ‘n boom ophang, want sy was die grootste moeilikheid maker van almal. Saam met die uitnodigings het ek ‘n briefie gestuur dat hulle moet bevestig of hulle kom…. Net omtrent 8 het bevestig die res daag toe sommer net op. Dankie tog ek het net 1 party per jaar want ek glo nie my senuwees sal nog oorleef nie. Ons was skaars terug by die huis toe wil Virginia weet of sy volgende jaar weer McDonalds toe kan gaan.

Volgende jaar sal ek darem bietjie beter voorberei wees want dit was vir my ook ‘n 1ste ervaring. Dankie tog my sus was ook daar. Sy is darem al deur ‘n paar parties met haar kiddies saam. Alhoewel ek op al hulle parties was, kan ek nie onthou dat die kiddies so onmoontlik was nie. Wat nou so lekker daar-aan was weet ek nie, maar die spul dogtertjies het kort-kort in die badkamer gaan saamkoek. As hulle nou bietjie ouer was kon ek dit verstaan, maar wat ‘n klomp 9 jariges so intressant in die badkamer vind sal net hulle weet.

Ek het ‘n propvol posboks wat vir my loer, so ek beter eers groet.

Kriekkie speel tennis

Nee, ek het nie besluit om my luigeid te laat staan en begin loop nie. Ek het tennis op Wii ontdek. Nou speel ek tennis dat die sweet spat (letterlik). Ek het in my lewe nie gedink ‘n speletjie sal my so uitput nie, maar vir iemand so onaktief soos ek is enigiets moontlik. Die beste is, ek geniet my gate uit en ek kry bietjie oefening. Net jammer dis nie myne nie, ek leen dit net tot Saterdag. As ek weer die winkels invaar wil ek gaan kyk of daar soortgelyke speletjies soos tennis is wat ek kan speel want die gedoente is bietjie duur om te koop net vir 1 speletjie wat ek kan speel.

Ek kon met die beste wil ter wêreld nie vandag my password onthou om op WordPress in te kom nie. Ek het net 3 verskillende passwords vir al my goodies, maar nie een wou die ding doen vandag nie. Ek dink my brein is ook effe ooreis van die ongewone oefening. Ek moes toe maar ‘n nuwe password kry.

Arme Maggie se ma is baie siek. Wat die probleem is weet ons nie, maar sy’s al so siek dat hulle haar oral moet ronddra. Sy was nou al 2 keer by die kliniek en volgens hulle is daar niks fout nie en nou het sy sommer skielik nie meer hoë bloeddruk nie. As jy my vra moet daai kliniek se personeel eerder hulle skoolgeld gaan terugvra. Maggie sal nou na die einde van die maand haar ma saambring hierheen sodat ons haar by ‘n ordentlike dokter kan kry.

Vandag weet ek rêrig waaroor om te klets nie, so ek groet eers voor ek julle te veel verveel.

Jonk Bly

HOE OM JONK TE BLY ….IN 2009!!

1. Probeer alles tweekeer:
‘n Grafskrif het gelui:
“Tried everything twice…both times were moerse nice!”

2. Behou jou grapgat vrinne
Die suurgatte trek jou onder.
(Sorg dat JY nie daai suurgat is nie!)

3. Hou aan leer..
Leer meer oor skete, etiket, enigiets.
Moenie toelaat dat jou brein muf nie!

4. Geniet die eenvoudige dinge.

5. Lag dikwels, lag lank en lekker.
Lag tot jou blaas lek!
En as jy’n pel het wat lekker nonsens praat,
spandeer meer tyd saam met haar/hom.

6. Trane kom.

Tjank dat die snot spat, en beweeg dan aan.
Die enigste mens wat ALTYD, regdeur jou lewe by jou is, is jyself.
LEWE terwyl jy nog lewe het.

7. Omring jouself met dit waaroor jy mal is,
Of dit nou pelle, familie, diere, sentimentele junk, musiek,plante, of kitch is.
Jou huis is JOU plek!

8. Bewaar jou gesondheid:
As jy OK is, moenie nonsens aanjaag nie,
As jou kop raas, sluit by ‘n ’support group’ aan,
As jy nie lekker is nie, kry hulp.

9. Moenie op loop gaan met skuldgevoelens nie.
As daar te lope is, doen dit in die winkels, in jou tuin,
in die bosveld, langs die see of selfs in vreemde lande.

10. Sê vir jou mense dat jy vir hulle lief is, gee drukkies op
strepe …. more trek jy dalk jou hout-jas aan, dan’s dit te laat!

Nee regtig, dis nou nie meer snaaks nie. Kry die tokkelossie of iets, maar ek moet nou dringend ontslae raak van Murhy. Vrydag op pad terug van die hospitaal af toe breek my stoel. Gelukkig kon ek darem by die huis kom. Om een of ander rede bly die linker motor probleme gee. Dit het iets te doen met die magnetiese remme of iets, maar die boetietjie wat aan die stoel werk beter nou ‘n ander plan maak want ek kan nie elke 2 maande aan die stoel laat werk nie. Dis darem bietjie te erg. Hy kan eintlik bly wees ek like hom baie, anders het ek lankal my toys begin rondgooi.

Gister oggend kom ek agter Elvis het ‘n hengse seer op sy wang. Ek kan nie verstaan dat ons dit nie vroëer raakgesien het nie want dis defnitief iets wat al ‘n rukkie daar sit. Ek het eers gedink dis ‘n abses maar dit lyk darem vandag heelwat beter na my ma salf en medisyne opgesit het. Ek het so sleg gevoel toe ek dit sien, watse soort “ma” is ek wat nie eers agterkom haar ‘seuntjie’ het ‘n seerplek nie. Dis ook maar goed ek het geen behoefte om kiddies hê nie.

Dat die arme Kuifie dit oorleef is net ‘n wonder. Gister vergeet ek van die arme ding op my skouer toe ek ‘n bal wil gooi en daar trek die arme voël. Hy’t darem nie te hard met moeder aarde kennis gemaak nie, maar sy voetjies het gebrand op die sement. Ek het so gewens ek het ‘n kamera om hom af te neem, hy het so komieklik gelyk gelyk soos hy probeer het om sy voete hoog genoeg op te tel om nie te brand nie.

Ek het toe Saterdag die Kollenade gaan aandurf op elbow power. As ek elke week so sessie kan inwerk is ek binne ‘n maand topfiks. Ek was later by moeg verby, maar het dit darem oorleef. Die onafhanklikheid wat ‘n elektriese stoel mens gee is wonderlik, maar dit maak jou ongelooflik onfiks. Voor ek my fararie gekry het, het ek kilometers ver op elbow power gery. As ek dit nou moet doen tel hulle my vir dood op na die 1ste km.
Ek is erg vies vir myself want ek het ‘n fiets ook gehad waarmee ek die wêreld plat gery het wat baie goeie arm oefening was, maar toe kry ek iemand jammer omdat dit die enigste manier was waarmee hy oor die weg kon kom en ek gee my fiets vir hom. Nou wil ek myself skop dat ek so stupid kon wees, maar nou ja, spyt kom mos altyd te laat.

As ek nie nou ophou klets en my Avon bestelling doen nie, het ek moeilikheid. Ek hoop almal het ‘n rooskleurige Maandag vandag vol lekker verrassings en goeie dinge.

Murphy woeker nog lekker

Ou Murphy is nog steeds aan die woeker hierrond. Vanoggend op pad werk toe, het die kombi besluit hy ry nou nie ‘n tree verder met my ma nie. Blykbaar het die ratte vasgeslaan of so iets. Iemand van die werk het haar toe gaan help en kon hulle toe darem die kombi terug kry by die huis. Lyk my die kombi hou nie van die langpad werk toe nie want hulle het ‘n saamryklub en dis net elke 4de week my ma se rybeurt en dan het die kombi alewig ‘n pyn van een of ander aard. Die res van die tyd ry hy sonder enige probleme.

Nou’s my beplande shopping vir môre ook seker daar mee heen want sonder my taxi kan ek nie gaan rondry nie. Ek dink my ma se beursie sal nogal dankbaar wees want ek het nogal ‘n gawe om die arme ding goed te verwoes as ek eers op mission shopping is.

‘n Vriendin van my (die een wat so vreeslik baie praat) is in die hospitaal met longontsteking. Shame die arme ding is doodsiek, maar sy laat haar nie onder kry nie. Sy’s nog net 3 dae daar, maar sy rule omtrent die hospitaal. Sy weet presies wat elkeen makeer wat saam met haar in die saal is, wie hul dokters is en elke ding. Sy’s net omtrent ‘n meter lank, maar sy laat haar deur niks of niemand onder kry nie. Dit wat sy in lengte kortkom het sy dubbel en dwars in guts en fighting spirit terug gekry.

My ander vriendin (die een wie se voëltjie dood is) is nou net mooi die teenoorgestelde. As ek vir haar wil gaan kuier moet ek myself omtrent ‘n week voor doe tyd geestelik en sielkundig voorberei. Na ‘n kuier by haar is ek so depro van al haar gekla en kerm dat ek my polse wil afkou. Wat my onderkry is die feit dat sy net haarself te blameer het vir haar omstandighede. Sy is verskriklik fyngevoelig en neem die lewe vreeslik ernstig op. Sy maak die lewe vir haarself en almal om haar baie moeilik. Ek weet dis maklik vir my om te praat want die lewe het haar ook al ‘n paar dwarsklappe gegee, maar partykeer is sy een te veel vir my. Selfs net om haar te bel is uitputtend en ‘n emosionele uitdaging. Maar nou moet ek ook bysê as ek als moe deurmaak wat sy moes, het ek lankal boedel oorgegee. Met ‘n familie soos hare het mens defnitief nie enige vyande nodig nie. Haar simpel pa reken haar te vertel hy glo nie in God nie want as daar regtig ‘n God was sou daar nie gestremdheid in die wêreld gewees het nie en sou hy nie ‘n gestremde dogter gehad het nie. Ek is net bly ek’s nie hy wat eendag moet rekenskap gee nie. As ek hy is sal ek maar solank begin oefen om die vuur te stook…Hoopelikword hy betyds reg gehelp.

Ek hou nie van WordPress se nuwe look nie. Die vorige een het vir my baie lekkerder gewerk. Of is dit nou net weer ek wat difficult is? Ek het die hele oggend gesit en wonder waaroor gaan ek vandag klets en nou’s ek alweer ‘n mini-kortverhaal hier aan die bou.

Ek het facebook ontdek, kom kuier bietjie daar vir my. Nie dat daar veel aangaan nie, ek vind die blog storie baie intressanter. Geniet die naweek ten volle…Gesels weer Maandag.

Marelize van der Walt

Amper verspoel…

Gister het ek gedink my laaste uur hier om moederaarde het aangebreek. Ek was in die kunswinkel en het nie gesien die reën is aan die kom nie. Ek jaag daar weg op topspoed, rol omtrent die pad op en ek was vas oortuig ek sal dit maak tot by die huis…. Toe nou nie…. Ek was seker so 500m van die huis af toe dit begin reën en die wind waai verwoed. Ek kon omtrent nie voor my sien nie, maar weer-eens was my beskerm-engeltjies op hulle pos en het ek darem die huis gehaal. Om te sê ek was nat is ‘n effense understatement…. Maar ja, ek het sommer my stort vir die jaar gekry.

Dankie vir die comments. Julle sê die mooiste goed. Belowe is hierdie potjie eendag haar deksel kry, sal julle die eerstes wees wat weet. Onthou net om vir my die ouetehuis se no. te stuur dat ek julle kan laat weet want as ek die storie so kyk is die kanse heelgoed dat ons almal op die ouetehuis se stoep gaan sit en hekel by die tyd wat dit gebeur.

Ek het nooit gedink ek sal ooit simpatie hê met ‘n spinnekop nie, maar toe ek Charlot’s Web gekyk het, het die spinnekop my amper in trane gehad. Dis die cuteste fliek 0et ‘n baie waar lewensles, maar lewendige spinnekoppe is nog steeds nie my gunsteling diertjie nie dankie. Ek bly maar eerder by voëltjies en honde.

My hart het amper gaan staan toe ek hoor hoeveel dit gaan kos om my kamera wat geval het reg te maak. ‘n Hele R503. Dis verskrriklik baie geld om te betaal vir ‘n kraakie wat mens skaars kan sien. As jy nie weet van hom nie gaan jy dit nie eers sien nie. Toe ek uiteindelik weer in staat was om te praat het ek gesê hulle kan maar die kamera net so terug stuur dankie want als werk nog reg, dis net die omhulsel wat beskadig is.

Gister kry ek weer my “gunsteling” koevertjie in die posbus. As ek daai blou en groen Telkom koevertjie sien kry ek opslag ‘n angsaanval. Ek maak my reg vir die skok want ons het vir stiefboetie in Kanada gebel. Glo dit of nie, maar die 40 minute Kanada toe is goedkoper as 55 minute van die 20 selfoon oproepe. Ek wil my huisfoon laat blok dat hy nie kan selfoon bel nie.

Virginia het vandag met Graad 3 begin. Sy was so opgewonde sy’t Maggie al 05:15 wakker gemaak om skool toe te gaan. Net jammer dit hou gewoonlik nie lank nie. Maggie het gewoonlik ‘n stryd om haar betyds op te kry en dan het sy altyd een of ander issue met die arme skoolhoof. Die arme oompie word beskuldig van als onder die son waarmee sy nie tevrede is nie. Hoekom sy nou juis die arme hoof van als beskuldig kon ons nog nie uitwerk nie, maar ons lag lekker.

Dis groet tyd vir my. Sussie kom kuier en sy gaan beslis nie beïndruk wees as ek heel middag klets nie.

Murphy is ooraktief

Murphy is weer op sy stukke hier by my. Ek het nou so gehoop na operasie printer sal hy my bietjie uitlos, maar lyk my dit was wishful thinking as jy my vra. Verlede week besluit die dakwaaier in my kamer hierdie elke dag se getoutjies trek is sommer vir die voëls van nou af waai hy net op topspoed en ek kan nou maar toutjies trek tot ek blou word. Ek moet sê as ek ‘n waaier was sou ek ook gestaak het want die arme goed het oortyd gewerk die laaste tyd.

Incredible connection laat weet ek kan my ou printer kom haal wat ek ingegee het om reg te maak. Saterdag toe ons gaan om die printer te kry het hulle om een of ander onverklaarbare rede die cartridges uitgehaal en toe my ma die printer ingegee het, het sy spesifiek gevra hulle moenie uitgehaal word nie want as hulle eers 1 keer uitgehaal is werk dit nie en die ergste is daai cartridges wat daar in was was nog redelik vol. Die bestuurder het belowe om by die verskaffers uit te vind wat nou die storie is want daar was defnitief niks fout met die cartridges nie. Die probleem was by die papier voerder. Ek het ‘n idee hulle gaan nou weer met een of ander storie kom omdat ek generiese cartridges gebruik en nie die oorspronklike nie. Ons sal nou maar wag en sien wat gebeur.

Saterdag-aand wil ek my modem aanskakel, maar daar is als behalwe lewe. Na ek dit ‘n paar keer aan en af sit is daar weer aksie, maar die oomblik as ek die knoppie los is als weer dood. Ek bel Mweb se helpdesk om te hoor of daar iewers ‘n tak is waarheen ek die modem kan vat om te toets. Raai wat sê hulle vir my… take a peace of selotape and put is over the switch….. ek kon maar net my kop skud want glo my as dit gewerk het sou ek nie eers moeite doen om hulle te bel nie. My ma het die modem werk toe gevat en daar het hulle hom sommer vinnig gefix.

Sondag wil ek Jukebox opneem en al wat wil werk is die dvd-speler. Drie skoon dvds later gee ek toe maar moed op. Daai dvd gee my grys hare, wanneer dit hom pas neem hy op sonder probleme, maar dan kry hy weer ‘n nik en ek kan maar op my kop staan die ding weier om te tape. Ek spot altyd en sê die masjien is allergies vir Steve want toevallig is dit elke keer as ek iets van hom wil opneem dat die masjien met sy streke begin. Ek begin nou al dink dis nie sommer ‘n spottery nie…..

Ek het Saterdag ‘n vriendin raakgeloop (of seker raak gery in my geval) wat saam met my op skool was. Daar’s iets wat ek net glad nie kan verklaar nie. 95% van almal wat saam my op skool of kollege was is getroud of verloof of in ‘n vaste verhouding. Wat ek nie verstaan nie is hoekom kry hulle maatjies en ek nie? Hulle is net sulke kruppelkriekkies soos ek , maar duidelik doen ek iets verkeerd want ek het nog nooit eers ‘n boyfriend gehad nie, wat nog te sê verloof of getroud. Ag nou ja, ek is seker maar bestem om op my ownsome lonesome deur die lewe te gaan….

Fluit-fluit my storie is nou yt. Klets annerdag weer verder.