Author Archives: kruppelkriekkie

Murphy woeker nog lekker

Ou Murphy is nog steeds aan die woeker hierrond. Vanoggend op pad werk toe, het die kombi besluit hy ry nou nie ‘n tree verder met my ma nie. Blykbaar het die ratte vasgeslaan of so iets. Iemand van die werk het haar toe gaan help en kon hulle toe darem die kombi terug kry by die huis. Lyk my die kombi hou nie van die langpad werk toe nie want hulle het ‘n saamryklub en dis net elke 4de week my ma se rybeurt en dan het die kombi alewig ‘n pyn van een of ander aard. Die res van die tyd ry hy sonder enige probleme.

Nou’s my beplande shopping vir môre ook seker daar mee heen want sonder my taxi kan ek nie gaan rondry nie. Ek dink my ma se beursie sal nogal dankbaar wees want ek het nogal ‘n gawe om die arme ding goed te verwoes as ek eers op mission shopping is.

‘n Vriendin van my (die een wat so vreeslik baie praat) is in die hospitaal met longontsteking. Shame die arme ding is doodsiek, maar sy laat haar nie onder kry nie. Sy’s nog net 3 dae daar, maar sy rule omtrent die hospitaal. Sy weet presies wat elkeen makeer wat saam met haar in die saal is, wie hul dokters is en elke ding. Sy’s net omtrent ‘n meter lank, maar sy laat haar deur niks of niemand onder kry nie. Dit wat sy in lengte kortkom het sy dubbel en dwars in guts en fighting spirit terug gekry.

My ander vriendin (die een wie se voëltjie dood is) is nou net mooi die teenoorgestelde. As ek vir haar wil gaan kuier moet ek myself omtrent ‘n week voor doe tyd geestelik en sielkundig voorberei. Na ‘n kuier by haar is ek so depro van al haar gekla en kerm dat ek my polse wil afkou. Wat my onderkry is die feit dat sy net haarself te blameer het vir haar omstandighede. Sy is verskriklik fyngevoelig en neem die lewe vreeslik ernstig op. Sy maak die lewe vir haarself en almal om haar baie moeilik. Ek weet dis maklik vir my om te praat want die lewe het haar ook al ‘n paar dwarsklappe gegee, maar partykeer is sy een te veel vir my. Selfs net om haar te bel is uitputtend en ‘n emosionele uitdaging. Maar nou moet ek ook bysê as ek als moe deurmaak wat sy moes, het ek lankal boedel oorgegee. Met ‘n familie soos hare het mens defnitief nie enige vyande nodig nie. Haar simpel pa reken haar te vertel hy glo nie in God nie want as daar regtig ‘n God was sou daar nie gestremdheid in die wêreld gewees het nie en sou hy nie ‘n gestremde dogter gehad het nie. Ek is net bly ek’s nie hy wat eendag moet rekenskap gee nie. As ek hy is sal ek maar solank begin oefen om die vuur te stook…Hoopelikword hy betyds reg gehelp.

Ek hou nie van WordPress se nuwe look nie. Die vorige een het vir my baie lekkerder gewerk. Of is dit nou net weer ek wat difficult is? Ek het die hele oggend gesit en wonder waaroor gaan ek vandag klets en nou’s ek alweer ‘n mini-kortverhaal hier aan die bou.

Ek het facebook ontdek, kom kuier bietjie daar vir my. Nie dat daar veel aangaan nie, ek vind die blog storie baie intressanter. Geniet die naweek ten volle…Gesels weer Maandag.

Marelize van der Walt

Amper verspoel…

Gister het ek gedink my laaste uur hier om moederaarde het aangebreek. Ek was in die kunswinkel en het nie gesien die reën is aan die kom nie. Ek jaag daar weg op topspoed, rol omtrent die pad op en ek was vas oortuig ek sal dit maak tot by die huis…. Toe nou nie…. Ek was seker so 500m van die huis af toe dit begin reën en die wind waai verwoed. Ek kon omtrent nie voor my sien nie, maar weer-eens was my beskerm-engeltjies op hulle pos en het ek darem die huis gehaal. Om te sê ek was nat is ‘n effense understatement…. Maar ja, ek het sommer my stort vir die jaar gekry.

Dankie vir die comments. Julle sê die mooiste goed. Belowe is hierdie potjie eendag haar deksel kry, sal julle die eerstes wees wat weet. Onthou net om vir my die ouetehuis se no. te stuur dat ek julle kan laat weet want as ek die storie so kyk is die kanse heelgoed dat ons almal op die ouetehuis se stoep gaan sit en hekel by die tyd wat dit gebeur.

Ek het nooit gedink ek sal ooit simpatie hê met ‘n spinnekop nie, maar toe ek Charlot’s Web gekyk het, het die spinnekop my amper in trane gehad. Dis die cuteste fliek 0et ‘n baie waar lewensles, maar lewendige spinnekoppe is nog steeds nie my gunsteling diertjie nie dankie. Ek bly maar eerder by voëltjies en honde.

My hart het amper gaan staan toe ek hoor hoeveel dit gaan kos om my kamera wat geval het reg te maak. ‘n Hele R503. Dis verskrriklik baie geld om te betaal vir ‘n kraakie wat mens skaars kan sien. As jy nie weet van hom nie gaan jy dit nie eers sien nie. Toe ek uiteindelik weer in staat was om te praat het ek gesê hulle kan maar die kamera net so terug stuur dankie want als werk nog reg, dis net die omhulsel wat beskadig is.

Gister kry ek weer my “gunsteling” koevertjie in die posbus. As ek daai blou en groen Telkom koevertjie sien kry ek opslag ‘n angsaanval. Ek maak my reg vir die skok want ons het vir stiefboetie in Kanada gebel. Glo dit of nie, maar die 40 minute Kanada toe is goedkoper as 55 minute van die 20 selfoon oproepe. Ek wil my huisfoon laat blok dat hy nie kan selfoon bel nie.

Virginia het vandag met Graad 3 begin. Sy was so opgewonde sy’t Maggie al 05:15 wakker gemaak om skool toe te gaan. Net jammer dit hou gewoonlik nie lank nie. Maggie het gewoonlik ‘n stryd om haar betyds op te kry en dan het sy altyd een of ander issue met die arme skoolhoof. Die arme oompie word beskuldig van als onder die son waarmee sy nie tevrede is nie. Hoekom sy nou juis die arme hoof van als beskuldig kon ons nog nie uitwerk nie, maar ons lag lekker.

Dis groet tyd vir my. Sussie kom kuier en sy gaan beslis nie beïndruk wees as ek heel middag klets nie.
hond

Murphy is ooraktief

Murphy is weer op sy stukke hier by my. Ek het nou so gehoop na operasie printer sal hy my bietjie uitlos, maar lyk my dit was wishful thinking as jy my vra. Verlede week besluit die dakwaaier in my kamer hierdie elke dag se getoutjies trek is sommer vir die voëls van nou af waai hy net op topspoed en ek kan nou maar toutjies trek tot ek blou word. Ek moet sê as ek ‘n waaier was sou ek ook gestaak het want die arme goed het oortyd gewerk die laaste tyd.

Incredible connection laat weet ek kan my ou printer kom haal wat ek ingegee het om reg te maak. Saterdag toe ons gaan om die printer te kry het hulle om een of ander onverklaarbare rede die cartridges uitgehaal en toe my ma die printer ingegee het, het sy spesifiek gevra hulle moenie uitgehaal word nie want as hulle eers 1 keer uitgehaal is werk dit nie en die ergste is daai cartridges wat daar in was was nog redelik vol. Die bestuurder het belowe om by die verskaffers uit te vind wat nou die storie is want daar was defnitief niks fout met die cartridges nie. Die probleem was by die papier voerder. Ek het ‘n idee hulle gaan nou weer met een of ander storie kom omdat ek generiese cartridges gebruik en nie die oorspronklike nie. Ons sal nou maar wag en sien wat gebeur.

Saterdag-aand wil ek my modem aanskakel, maar daar is als behalwe lewe. Na ek dit ‘n paar keer aan en af sit is daar weer aksie, maar die oomblik as ek die knoppie los is als weer dood. Ek bel Mweb se helpdesk om te hoor of daar iewers ‘n tak is waarheen ek die modem kan vat om te toets. Raai wat sê hulle vir my… take a peace of selotape and put is over the switch….. ek kon maar net my kop skud want glo my as dit gewerk het sou ek nie eers moeite doen om hulle te bel nie. My ma het die modem werk toe gevat en daar het hulle hom sommer vinnig gefix.

Sondag wil ek Jukebox opneem en al wat wil werk is die dvd-speler. Drie skoon dvds later gee ek toe maar moed op. Daai dvd gee my grys hare, wanneer dit hom pas neem hy op sonder probleme, maar dan kry hy weer ‘n nik en ek kan maar op my kop staan die ding weier om te tape. Ek spot altyd en sê die masjien is allergies vir Steve want toevallig is dit elke keer as ek iets van hom wil opneem dat die masjien met sy streke begin. Ek begin nou al dink dis nie sommer ‘n spottery nie…..

Ek het Saterdag ‘n vriendin raakgeloop (of seker raak gery in my geval) wat saam met my op skool was. Daar’s iets wat ek net glad nie kan verklaar nie. 95% van almal wat saam my op skool of kollege was is getroud of verloof of in ‘n vaste verhouding. Wat ek nie verstaan nie is hoekom kry hulle maatjies en ek nie? Hulle is net sulke kruppelkriekkies soos ek , maar duidelik doen ek iets verkeerd want ek het nog nooit eers ‘n boyfriend gehad nie, wat nog te sê verloof of getroud. Ag nou ja, ek is seker maar bestem om op my ownsome lonesome deur die lewe te gaan….

Fluit-fluit my storie is nou yt. Klets annerdag weer verder.
voel2

Hoekom

Vandag voel ek darem weer so amper myself. Ek sien darem weer bietjie lig in die donker tonnel. Gelukkig oorval sulke gemoedsbek@&*ings (sorry ek weet dis nie ‘n baie mooi woord nie, maar dit is ‘n baie akurate beskrywing) my nie te gereeld nie, maar wanneer dit wel gebeur is dit sommer in oortreffende trap.

Gister, terwyl ek vreeslik jammer voel vir myself, bel ‘n vriendin om my te laat weet sy moes haar kokketiel laat uitsit omdat hy infeksie of iets in sy vlerk gehad het wat nie regtig genees kan word nie. O genade toe tjank ek eers vir ‘n plek in die eerste span. Ek kry haar so verskriklik jammer. Die voëltjie was haar als in die lewe. Sy bly in ;n tehuis vir gestremdes en ou Patches was omtrent haar enigste geselskap want die meeste van die ander inwoners is verstandelik gestremd.

Ek moet sê sy is ‘n baie strerker persoon as ek. As ek in haar posisie was wat my enigste troeteldier verloor het sou ek dit beslis nie so goed kon hanteer nie. My ma was gister-aand by haar en my ma sê ek het 10 keer erger gelyk as sy soos wat ek gehuil het vir haar part. Die lewe kan partykeer tog so onregverdig wees. Dis omtrent die 3de voëltjie war sy verloor in ‘n jaar. Asof sy nie al genoeg dinge het om te hanteer nie, maar nou ja, ons sal seker eendag antwoorde kry vir al die hoekoms in die lewe

Kuifie het nou ‘n lekker groot huisie ge-erf. Ek wil dit net eers behoorlik skrop en skoonmaak voor hy kan intrek. Nie laat hy juis baie gepla is oor ‘n hok nie want hy haat dit met ‘n passie om in die hok te sit. Kuifkop het gesorg dat my jaar op ‘n baie goeie noot afsluit. Hy het die 31ste vir die eerste keer in sy lewe uit sy eie gebad. Ek was so opgewonde soos ‘n ma wie se baba sy eerste tree gee want oral lees ek dat kokketiele baie lief is vir bad maar myme wil niks weet nie. Ek het gedink hy sal elke dag wil bad, maar nou wil hy weer niks weet van water nie. Miskien reken hy een keer ‘n jaar is genoeg vir hom. Ek sal nou maar sien of hy weer ‘n hele jaar gaan wag voor hy weer bad. Nou’s ek nog meer oortuig hy moet defnitief ‘n mannetjie wees want mans hou mos maar oor die algemeen nie juis van bad nie.

My pyne en skete is ook darem heelwat beter. Die melkboks het toe die ding gedoen en nou’t ek dit verruil vir ‘n aliminium plaatjie wat darem bietjie beter lyk as die boks. Ek’s nou op ‘n ernstige mision om my arms sterker te kry sodat ek nie so ‘nstoeigeveg moet hê om op die fisio se hoë bed te kom nie. Ek sal seker weer van Februarie af gaan vir my martel sessies

O ja, amper vergeet ek om dankie te sê vir die comments. Waardeer dit baie. Ag nou ja, ek moet nou eers weer winkels toe vir Maggie. Dis nogal moeilik om te glo, maar eks nou als behalwe lus vir shop. Ek dink ek moet ernstig begin belê in ‘n aircon vir my ferrarie met die hitte saam. Gesels weer.

new-image1

Eerste vir 2009

Kriekie is weer op haar pos. Hopelik is hierdie die 1ste van sommer baie kletssessies. ‘n Verwoede 2009 vir almal wat hier kom inloer. Mag die voorspoed jou verveel en teëspoed jou adres vergeet.

Eintlik is ek vandag als behalwe goeie geselskap. Eks al skoon verby moedverloor se vlakte met my kruppelgeite saam. As ek al die trane opgevang het wat ek al die afgelope 2 dae gestort het, kon ek al ‘n dam of 2 vol maak.Ek het nou al my arme Kalahari Ferrarie alle kante toe gemodify maar nog steeds kan ek nie ontsle raak van die spierspasma nie. Elke keer as ek dink nou’s dit beter, dan is dit weer terug en dit voel elke keer of dit erger is as die vorige keer. Ek drink spierverslappers soos smarties, maar ek begin dink eks imuun teen die goed. Eks nou al so desperaat, ek het ‘n melkboks tussen die armlening en die sitplek ingedruk om my agterstewe in plek te hou. Ek weet nie of dit net my verbeelding is nie, maar dit voel nogal of dit werk. Ek sal nou maar vir so dag of wat met die melkboks rondry om seker te maak of dit regtig ‘n verskil maak dan sal ek ‘n meer permanente plan maak. Ek lyk seker effe onlekker met die boks onder die arm, maar ek kan nie gepla wees nie. Gelukkig is dit nie ‘n bierboks nie…. Haai miskien moet ek dit try… dan kry mense die arme kruppelkriek met die bierboks so jammer en gee haar bietjie geld…. Ek spot nou net, maar nou die dag loop daar ‘n swarte al agter my aan en sê ‘laat ek gooi’ en hoe meer hy ‘laat ek gooi’ hoe vinniger ry ek om van hom af weg te kom. Toe ek uiteindelik stop om by ‘n winkel in te gaan vra hy my waar’s die boks. Toe kliek ek eers hy dink ek het ‘n kollekte blik. Toe voel ek eintlik soos ‘n hond want die arme ding wil sy laaste sente vir my gee en ek jaag topspoed om weg te kom.

Kersvader het my vreeslik bederf, maar hy’t amper gemaak dat ek my naam met ‘n plank slaan soos nog nooit tevore nie. Ek het die hele Kollenade plat gery opsoek na ‘n drukker, maar oral was die spesifieke 1 wat ek soek uitverkoop. Ek bestel toe vir my die drukker by die rekenaarwinkel in die sentrum agter ons huis. Ek maak die arme mense half mal om seker te maak ek het ‘n drukker voor Kersfees. Ek het die arme mense omtrent elke uur gebel. Intussen het my swaer vir my ‘n drukker gekoop vir Kersfees waarvan ek natuurlik niks weet nie. Gelukkg bel my sussie my ma om te sê hulle het die drukker gekoop en kon sy toe die koop by die winkel kanselleer. Ek was nie by die huis toe die hele storie gebeur het nie. Toe ek by die huis kom sê my ma die mense het haar gebel en kan eers die volgende week die drukker kry. Natuurlik is Kiepie op die daad soos ‘n bul wat rooi sien en ek wil sommer die winkel bestorm om hulle te gaan vertel hulle diens is by pateties verby, maar gelukkig het ek toe nie.

Toe ons geskenke uitdeel kry ek ‘n pakkie met Canon ink in en is toe sommer weer boos met die simpel winkel want wat maak ek nou met ink sonder ‘n drukker. Ek was nog besig om vir almal wat wou luister te vertel van die rekenaar winkel se swak diens toe bring hulle vir my die drukker. Ek kry amper die piep van opgewondenheid maar kon eers 2 dae later die ding uitpak en inwy. Toe ek die ding uit die boks het kom ons agter die papier laai nie bo-op soos my swaer gedink het nie, maar agter en daar’s geen manier dat hierdie kruppelkriekkie daar kan bykom nie. Ek toe sommer moedeloos en kry myself bitter jammer. Ek besluit toe ek gaan die drukker net so in die boks terugpak, die boks toeplak en probeer om die drukker om te ruil vir ‘n ander een. Nie dat ek regtig gedink het hulle sal dit toelaat nie omdat die boks reeds oop was, maar ons het vir hulle die situasie verduidelik en hulle was so hulpvaardig by Menlyn se Incredible connection hulle het nie eers na die boks gekyk nie. Ek wou eers Kollenade toe gaan omdat dit nader is, maar ek kon sommer oor die foon hoor hulle is nie baie lus om my te help nie.

Ek beter eers groet anders is ek n die dogbox want ek het ‘n vriendin belowe ek kom kuier vandag en Vadertyd is weer op topspoed vandag.

Bye 4 now

Ek voer nou al vir omtrent 2 weke ‘n verlore stryd om ‘n klets kansie te kry.  Dit sal ook die laaste keer wees vir 2008. 

 

Ou Murphy het hom weer lekker kom tuismaak hier by my.  My printer het besluit dis was lekker maar dis nou klaar.  Vanoggend het ek ondek hy’s nog onder waarborg, so hopelik sal dit verniet reg gemaak kan word.  As hy weer reg is wil ek dit verkoop en vir my iets kry waar die papier voor inlaai want ek sukkel my oor ‘n mik om die papier in te kry agter.  Toe ek dit gekoop het, het ek spesifiek vir die tjoklitsmurf gevra waar laai die papier in en hy het my verseker dis voor…..

 

Ek is erg vies vir ‘n vriendin van my en nou weet ek nie regtig hoe om die situasie te hanteer nie.  Sy het per ongeluk my kamera laat val.  Ek weet dit was net ‘n ongeluk maar ek moes omtrent my tande stomp kou om nie op haar te gil nie.   Gister toe sien ek eers die plastiek omhulsel is gekraak.  Ek sal die kamera nou maar terug vat waar ek dit gekoop het en vra of dit reggemaak kan word.

 

Pikkie was so gaaf om my te tag met die volgende, nie dat my brein enigsins in staat is om sulke goed te beantwoord nie, want hy’s lankal in vakansie mode, maar hier gaat ons:

 

Noem ses dinge oor jouself wat die ander nie weet nie…  

1.          Ek is dood bang om langs ‘n bus te ry.  Dit voel of die goed my aantrek soos ‘n magneet as ek naby 1 kom.

2.          Voor ek dood gaan wil ek ‘n behoorlike passievolle vrysessie beleef net om uit te vind of dit rerig so WOW is soos dit in die flieks lyk….  (Hoe en wie die (on)gelukkige slagoffer gaan wees kon ek nog nie uitwerk nie, maar soos julle weet het ek ‘n baie aktiewe verbeelding)

3.          Om een of ander rede wat ek nie kan verklaar nie, is ek mal oor Volkswagen Beatle karretjies en Tweety.

4.          Ek hou nie van Desember-maande en die fees seisoen nie omdat die mensdom so ‘n surkus daarvan maak en heeltemal die ware betekenis verloor het en omdat daar so baie mense is wat eensaam en alleen is sonder geskenke.  Ek weet nie of dit net in my familie is nie, maar daar is altyd ‘n gedoente oor wie by wie kuier ens.

5.          Ek haat donderweer met ‘n passie en hou niks van goggas en goete nie.  Ek spot altyd dat ‘n bus my gaan doodry of die weer gaan my doodslaan omdat ek so bang is daarvoor

6.          Ek wil gaan valskermspring of bungeejump, maar ek dink ek gaan vrek van vrees voor ek op die grond is.

Die reëls sê ek moet nou 6 ander mense tag, maar die probleem is ek lees net 3 ander se blogs en dit is Wippie en Pikkie en Ingrid en sover ek weet is hulle al almal getag so ek breek nou maar die reëls vir vandag.

Kyk net die cute Kersvader wat ek by ‘n vriendin gekry het.  Jy druk ‘n koppie en dan bad die ding vir ‘n vale en sing uit volle bors Splish Splash I was taking a bath… en skop met die voete en elke ding

bad4 

bad21

 

Bye 4 now van my kant af.  ‘n Geseënde Kersfees vir almal.  Doen als wat lekker is met oorgawe.  Dankie vir almal wat kom inloer het en ‘n hartafdruk kom los het.  Hoop ek het darem iewers so ietsie vir iemand beteken  want julle inloer het vir my die wêreld beteken al was dit net ‘n woordjie of 2.

 

Ferrarie

image001111

Ek het besluit om vandag vir julle te wys hoe lyk ‘n kruppelkriekkie vroeg in die oggend…..

 

Ek het onverwagse kuiergaste gekry die week en was sommer vies dat ek nie kon klets nie.  Ek kan tog so opgeklits raak as dinge nie verloop soos ek beplan nie.  Ek sal nou nie sê dis ‘n eienskap waarop ek vreeslik trots is nie, maar nou ja….

 

Ek het darem my Ferrarie weer terug.  Dis ongelooflik watse groot verskil 4cm kan maak.  Vir die afgelope omtrent 2 jaar het ek daagliks pyn gehad en al wat ‘n spierverslapper en anti-inflamatoriese pil op die mark uitprobeer, sonder veel sukses.  Om nie eers te praat van al die verskillende kussing wat ek uitprobeer het nie….

 

Die ergste is dat dit my solank gevat het om agter te kom my Ferrari is nouer as die normale rolstoel.  My ma het al lankal gesê ons moet die sitplek breër maak, maar al wat wil luister is Kriekie…. Kyk as mens dom is is jy dom, daar nie pille nie. 

Die oompies wat aan die stoel gewerk het se wiskunde het hulle net so effe in die steek gelaat want hulle maak hom toe so breed dat ek skaars by die deur kon in en uit.  Gelukkig kon die probleempie gou opgelos word.  Maandag gaan hy net gou weer terug ‘hospitaal’ toe vir ‘n laaste verstelling dan behoort als te wees soos ek dit wil hê.

 

My sussie-hulle het ‘n jaccuzi (spelling) onder hulle lapa laat insit.  Nou gaan oompie vir my ‘n kontrâpsie opsit waarmee hulle my kan in en uit kry.  Ek wou dit nie laat doen nie omdat dit ‘n duur storie is, maar my swaer reken toe hy sal betaal want dis maar net 160 biere minder vir hom.  As als goed gaan sal ek die 24ste die gedoente gaan uittoets.  Ek sal defnitief foto’s neem en die oomblik met die blogwêreld deel.

 

Ek het gister ‘n nuwe game ontdek wat ek wil uitprobeer.  Gesels weer Maandag